पुणे : सिंहगड इन्स्टिट्यूटच्या लोणावळा कॅम्पसमधील सिंहगड पब्लिक स्कूलला सामाजिक वनीकरण खात्याचा पंचतारांकित हरित शाळा पुरस्कार प्राप्त झाला आहे. २५० शाळांमधून या शाळेची पुरस्कारासाठी निवड झाली. पुरस्काराचे वितरण राज्याचे उपमुख्यमंत्री अजित पवार यांच्या हस्ते २६ जानेवारी २०२० रोजी झाले.
प्रा. आशा पाटील व हनुमंत माळी यांच्यासोबत विद्यार्थिवर्गाने हा पुरस्कार स्वीकारला. या यशाबद्दल बोलताना स्कूलचे प्राचार्य निर्मलकुमार मिश्रा यांनी विद्यार्थी, शिक्षक आणि सिंहगड संस्था यांचे आभार मानले व ‘हा सन्मान म्हणजे आम्हा सर्वांचा आहे,’ असे असे मनोगत व्यक्त केले. या यशाबद्दल संस्थेचे संस्थापक अध्यक्ष प्रो. नवले सर व संस्थापक सचिव डॉ. सुनंदा नवले, उपाध्यक्ष रोहित नवले व रचना नवले-अष्टेकर यांनी अभिनंदन केले. सिंहगड संस्थेच्या लोणावळा संकुलामधील सर्व प्राचार्य मंडळींनी व संकुल संचालक प्रा. डॉ. एम. एस. गायकवाड यांनी प्रा. मिश्रा व सर्व सहकाऱ्यांचे कौतुक केले.
